Lánga
la strèda
I
Dio
e-gh’dàga la salùt!... E a-s’tìra via
cóme
s’a s’éssa vést quèlch còša ed brótt
cóme
s’al fóssa un augurázz d’na strìa,
cóme
se un imbériegh l’éssa fàt un rótt!...
A
s’a fùga o l’è frádd e a vìn l’arlìa
per
fèr ‘d limóšna desptunères tótt…
E
a-n n’egh-n’ho brìša, a s’dìš, ch’l’è ‘na bušìa,
cóme
tirèr só el spall o al mè m’n’infótt!
Mo
che vigliàcc ch’l’è l’ámm!... A mèlapéna
Un
pzìgh d’na pólga, al gh’fa vultèr bandéra,
un
melumór gh’arcòrda cla vušléna…
S’a-n
n’ha un sòld, l’arvérsa al sàch vluntéra…
Nòster
Sgnór, el dešgràzi, un pàn da zéna…
“Dio
egh’dàga la salùt!... E cóme al ghe spéra…
II
E sátta
a un despiašér, sátta un dulór,
s’a
s’incóntra un murtòri a-s tórna indrê;
s’a
s’vádd dla paja, un piócc, di frê, del sór,
s’a
s’arvérsa al salén, l’òli, l’ašê,
s’a
rómp un spècc, s’a s’sént a arbàt’r e-gli ór,
se
in insánni a gh’è pánna e cané…
A s’fa
un fiurátt!... E a-n s’fómma e a-n s’fa l’amór,
a-n
s’màgna frùt o dólz e a-n s’pòrta anê.
Alóra
i cavàj biànch, i gòb, al fén,
i
ràgn ed sìra, apéna alvè i muscón;
ségn
d’alegrìa cóme arbaltèr al vén!...
Sciucázz?
Cóš da capórr? Superstizión?!
Mo
e-gli én anch quìlli ech fàn al nóv’l e al srén…
E tótt
al mèl, l’è al bèn, dl’uš dla ragión!!!
III
Almànch
el bésti el vàn per la sô strèda
cóme
l’àqua la córr žò per al canèl;
e foravìa
dla fàm o d’na stanghèda
lór
en sàn cuš’al s’sia né al bén né al mèl.
S’ónna
da un chèlz a ónn’ètra, ónna mušghèda,
a-n
gh’è dóbbi ch’la sfriša un sô fradèl,
sènza
la presunzión d’ésser batžeda,
e càn
e-n màgna ed càn l’è la morèl!...
Mo l’ámm!...
oh l’ámm!... Al Re!... Bón per pavùra
ed l’inféren,
del guèrdi e d’èter quèl…
A-jér
d’ónn’ámbra e incô dla jettatùra!
Mo
la sciénza, al progrèss, cuš’el chi han fàt?...
Dla
vággia per ciapèr’s al cuvanèl…
e cùn
che sùgh?... Bàsta guardèr i gàt!!!
IV
Dio
e-gh’dàga la salùt!... E a pàssa al màt…
Mo badè
bén che stràzza d’un scucmàj
a s’mátt
insámm quáll ech vól fàt
perchè
al mánd a-n sàpia sémper d’aj!!
L’è
un sgnór, mo a tèvla ló al n’ha assè d’un piàt,
dal
vén l’in bávv, mo a-n s’tìra adrê al burcàj…
al
lavóra, al guadàgna e al dìš: “mo càt,
a-n
gh’è i desfortunè ch’i én pìn ed guàj??”.
Tótt
én dutór, mo ló al gh’ha la medšéna;
e al
sô gudiól, pr’intànt stra càn e gàt,
l’è
un puvrátt a clazión, dišnèr e zéna.
Spér-el
in quásta?... Crádd’l in n’ètra vétta?...
Socialésta?...
Cristiàna?...Eh no, l’è al màt!...
Dio
ech’dàga la salùt!... Ecco la drétta!!!
Modna, 1902 -
Fulminànt
Nessun commento:
Posta un commento