A tótti
el dánn dal mând…
Me an sò cus’al g’avéssa noster Sgnór
quand
cun cla costa al-fé cal bèl affèr.
Al
giva esser sicur d’cativ umór,
perchè
in dla dánna alghen’è andè a fichèr
un
pôch ed tótti el râzz, d’tótt i culor;
dla
superbia, dal brosch, dimandi amèr,
di
nérev, dl’odi: ed matregh un pô d-cor…
quelch
bònna qualitè, al s’è andè a scurdèr.
Ah!
L’ha pór fatt al Sgnór, ónna gran fótta:
Pazinzia
ch’al g’avéssa rimediè,
fândla
cativa, sé, mo fândla mótta.
Ma
nossignori, lo angh’ha gnanch pensè,
e in
sbali, guardè bén, brott azzidént,
algh’è
andè a dèr la lengua d’un serpént!!!
(Te
gh’è…)
Al mê
amigh “Te gh’è”…
Che
parluazi, Cristo! Chi t’ha insgnè,
parland
dal dánn a dir róba da can?
‘Na
quèlch ragaza incô la t’ha insachè;
a
son pront a scumâtregh un toscan.
A
séntret tè, i sren tótt desgraziè
quî
ch’zérchen d-fèr l’amor o chi al fan:
a
séntret tè, chi pover maridè
dal
prém all’ultem i srén tótt gabian.
Però
s-te trov par strèda un quèlch pinén,
subêtt,
a son sicur, ta t’egh fè arent
par diregh
in du pê che t’agh vó bén.
Nega,
s’t’è bon: mo corpo d’n’azzidént,
s’te
l’è tant con al dánn, dè só, Te gh’é…,
percossa
donca egh côrret sempr’adré?
(… Lisander)
Nessun commento:
Posta un commento