Al balotàgg

Stà dónc’attènti: quànd in-t’un paéš

i fàn e-gli eleziòun d’un candidè

i-gh cuncárren del vòlt in òtt o in déš,

tànta l’è la vója d’ésser deputè.

E sti pòver minciòun i pègh’n el spéš,

i pègh’n i vót ed quî pió dešgraziè.

Mo in ùlt’m i rèsten lè cùn tànt ed neš

Perchè in mancànza d’vót j-én tót bucè.

Subétt dáp i proclàm’n al balotàgg:

e i dû che pió vót i han uttgnù

a-gh tácca ed fèr al bìs dal beveràgg.

Dónca, se prémma a-gh’éra òtt o déš ciù.

Dáp, quànd a-s’tràta ed fèr al balotàgg,

i… póch fùrb, tìnt’l in mént, i-n n’én che dû.

al sugaman