Al balotàgg (a descárr ‘na ragàza)

Sgnór, a-v ringràzi d’avér méss in mént

a Depétris ed fèr e-gli elezión;

a capéss ànca mè che al Parlamént

l’ìva bišágn d’la vòstra protezión

Passdmàn a rivarà tótt i studént

per tór pèrt a la gràn operazión

e a-v garantéss ch’a-n vádd l’óra, al mumént

ed savér s’l’ha cambièe mài l’upinión

L’ùltma vòlta ch’a l’ho vést a-m vlìva bén,

ch’a-n pianžéssa, al mê dšé, ch’a-m féss curàgg

ch’a-l srév turnèe per dèrem di bašén.

Sgnór, ónna gràzia fèm, l’ùltma e pò pió,

a-n vê dmànd ménga tròpp: al balotàgg!

acsè al mê còch al prà stèr chè de pió!!!!

21 maggio 1886

Fulminànt