Messalina
(Per la raccolta: “Sunátt Romàn”)
I dìšen Messalina! mo ànca lée
ch’la fóssa propriamént
quáll ch’i la fàn?
L’éra màta pr’i ámm,
la i vlìva bée,
baràba e-n cónta
gnìnt, mo žóv’n e sàn.
A pèr ch’l’a-n s’pséssa
mài cavèr la sée
e la gh’ìva un marì
vècc e tarlàn;
l’éra bèla, regìna,
e i gh’stèv’n adrée
tótt i žóven d’alóra
a fèr’gh al càn…
Mo guài, mo guài,
se cùn el légg d’incóo
a s’pséss dìr a ónna
dánna: fa quáll t’vóo,
màza, róba, divértet
tèe regìna!
Oh quànti ed quìlli
ch’el s’in fìlen drétt
per via ed San
Mèrch, el faréven subétt
ànch péž ch’a-n
féssa Messalìna!
Rámma, 02/02/1903
Furmajin da
Mòdna
Nessun commento:
Posta un commento